Masakit pero yan ang katotohanan na kasama sa poverty ranking ang Camarines Sur.
Ito ang pahayag ni gubernatorial candidate Bong Rodriguez bilang buwelta sa kanyang mga kritiko na nagbantang sasampahan sya ng kaso matapos nya sabihin sa isang radio interview na wala ang Canarines Sur sa listahan ng Department of the Interior and Local Government’s (DILG) Good Financial Housekeeping list kaya malinaw na mahirap ito.
Dahil sa pahayag na ito ay nagpasa ng resolusyon ang Camarines Sur Sangguniang Panlalawigan na nag aawtorisa kay Governor Luigi Villafuerte na maghain ng kaso laban kay Rodriguez at sa radio host na si Jose Osabal dahil sa pagpapakalat ng fake news.
“Does the truth hurt?” Everything I said is based on hard facts and data from reputable sources. The provincial government should focus on the substance of these issues rather than trying to silence those who bring them to light.” ani Rodriguez.
Tinukoy ni Rodriguez ang pinakahuling datos ng Philippine Statistics Authority (PSA) na nagsasabi na ang Camarines Sur ay nanatiling “poorest province” sa Bicol Region na ang poverty incidence ay nasa 30.5% noong 2023.
Hindi rin umano kabilang sa DILG- Bureau of Local Government Finance ang Camarines Sur na isa sa patunay na mayroong mismanagement.
“Despite four decades of political dominance, Camarines Sur remains the poorest in the region. These are facts they cannot deny, no matter how much they try to attack me,” dagdag pa ni Rodriguez.
Tinuran ni Rodriguez na politically motivated at tangka syang patahimikin sa gagawing pagsasampa ng kaso laban sa kanya.
“intimidation because they don’t want to face the reality of what’s happening in Camarines Sur. The fact remains: poverty is rampant, and our financial management is questionable. Does pointing this out really warrant a lawsuit, or does the truth simply hit too close to home?” Giit pa nito.
Hinamon nito ang provincial leadership na sagutin ang isyu at huwag idaan sa usaping legal.
“Let’s not distract ourselves with lawsuits. Instead, let’s work together to lift Camarines Sur out of poverty. Filing charges won’t change the reality that people here are struggling. What we need is action, not silence,” pagtatapos pa nito.
Tinangka naman na hingan ng panig ang kabilang panig subalit wala pa itong tugon. RNT
