BULACAN, Philippines – Swak sa selda ang motorcycle taxi rider na akusado sa kasong Rape at Sexual Assault matapos maaresto ng mga tauhan ng Northern Police District (NPD) sa isinagawang pagtugis rito sa Marilao, Bulacan.
Ayon kay NPD Acting Director P/BGen. Benliner Capili, ang akusado ay bilang Most Wanted Persons (MWP) sa Munisipyo ng Marilao, Bulacan dahil sa kasong tatlong bilang ng Rape at Sexual Assault in relation to Section 5(B) of R.A. 7610.
Matapos mapag-alaman.ang kinaroroonan ng akusado,isinagawa ang joint manhunt operation ng NPD at ng Marilao Component Police Station.
Hindi na nakapalag ang akusado nang arestuhin ito malapit sa kanyang bahay sa Barangay Ibayo, Marilao, Bulacan.
At base sa bisa ng warrant of arrest na inisyu ng Regional Trial Court Branch 121, Meycauayan, Bulacan, naaresto ang akusado.
Walang inirekomendang piyansa para sa kasong Rape habang may piyansa naman na P200,000 para kasong sexual assault. (Merly Duero)
