MANILA, Philippines – Binawi ng United States government ang diplomatic at tourist visas ni Leyte Rep. at dating Speaker Martin Romualdez.
Si Romualdez ay nahaharap sa imbestigasyon kaugnay sa umano’y kaugnayan niya sa maanomalyang flood control projects.
Ang pagbawi ng US sa diplomatic at tourist visa ng dating Speaker ay kinumpirma naman ni Philippine Ambassador to the United States Babes Romualdez.
Wala pang tugon si Rep. Romualdez kaugnay nito.
Nauna nang nag-isyu ang Sandiganbayan ng precautionary Hold Departure Order (HDO) laban kay Martin Romualdez, na iniimbestigahan sa mga reklamong plunder, direct bribery, paglabag sa Anti-Graft and Corrupt Practices Act, indirect bribery, at money laundering.
Itinanggi naman ni Romualdez ang alegasyon. RNT/JGC
