VATICAN – Hinikayat ni Pope Leo ang mga lider ng Russia at Estados Unidos na muling buhayin ang kanilang huling kasunduan sa kontrol ng nuclear arms, ang New START, na naglilimita sa bilang ng mga strategic nuclear weapons na maaaring i-deploy ng bawat bansa.
Ang Santo Papa ang kauna-unahang Amerikanong Santo Papa, ay nagsabi sa kanyang lingguhang audience sa Vatican na ang kasalukuyang kalagayan ng mundo ay “nangangailangan ng lahat ng posibleng hakbang upang maiwasan ang bagong arms race.”
Ang kasunduang ito, na nilagdaan noong 2010, ay nakatakdang mapaso ngayong Huwebes.
Noong Setyembre, iminungkahi ni Pangulong Vladimir Putin ng Russia na maaaring palawigin nang impormal ang kasunduan ng isang taon ngunit hanggang ngayon ay hindi pa tumutugon si Pangulong Donald Trump ng Estados Unidos.
“Ako ay nananawagan nang may lubos na pagkaapurahan na huwag hayaang mapaso ang kasunduang ito,” ani ng Santo Papa.
“Mas kailangan ngayon kaysa dati na palitan ang takot at kawalan ng tiwala ng isang pinagsasaluhang etika na magpapakita ng mga desisyon patungo sa kabutihang panlahat,”sabi pa ng Papa.
Ang pagkapaso ng New START ay magmamarka ng pagtatapos ng mahigit kalahating siglo ng mga limitasyon sa nuclear weapons. Jocelyn Tabangcura-Domenden
