MANILA, Philippines – Itinalaga si Senator Alan Peter Cayetano bilang bagong Senate minority leader nitong Martes, bilang pinuno ng siyam na miyembro ng bloc.
Inihain ang mosyon ni Senator Joel Villanueva sa plenaryo at inaprubahan ni Senate President Vicente “Tito” Sotto III.
Nauna nang nagsilbi si Cayetano bilang minority leader mula 2010 hanggang 2013.
Kabilang sa mga bagong miyembro ng minority bloc sina Senators Chiz Escudero, Villanueva, Rodante Marcoleta, Robin Padilla, Imee Marcos, Ronald “Bato” dela Rosa, Bong Go, at Jinggoy Estrada. Itinalaga namang deputy minority leaders sina Villanueva at Marcoleta.
Kasunod ito ng pagbabago sa liderato nitong Lunes kung saan pinalitan ni Sotto si Escudero bilang Senate president.
Itinalaga naman si Panfilo Lacson bilang Senate President Pro Tempore, habang si Juan Miguel Zubiri ay naging majority leader. Naitalaga rin sina Risa Hontiveros at JV Ejercito bilang deputy majority leaders, kasama ng iba pang bagong committee chairpersons. RNT
