MANILA, Philippines – Kinumpirma ni Senate President Alan Peter Cayetano na wala na sa protective custody ng Senado si Sen. Ronald “Bato” dela Rosa matapos itong “kusang” umalis ng Senado madaling araw ng Huwebes.
Nang tanungin kung awtomatikong natapos ang protective custody matapos umalis si Dela Rosa, sumagot si Cayetano ng: “Yes. Voluntary siyang umalis.”
“What we’re protecting actually is the sanctity of the Senate, hindi siya,” dagdag pa niya.
Ayon sa ulat, umalis si Dela Rosa sa Senado bago mag-umaga matapos ang insidente ng putukan sa loob ng gusali noong Miyerkules ng gabi.
Si Dela Rosa ay may arrest warrant mula sa International Criminal Court (ICC) kaugnay ng umano’y extrajudicial killings sa panahon ng war on drugs ng administrasyon ni dating Pangulong Rodrigo Duterte.
Sa ngayon, hindi pa alam ang eksaktong kinaroroonan ni Dela Rosa. RNT/MND
