Senado nagdaos ng necrological service para kay Enrile

MANILA, Philippines – Idinaos ang necrological service para kay Juan Ponce Enrile sa Senado nitong Miyerkules, Nobyembre 19 para kilalanin ang dating Senate president at ang kanyang “extraordinarily long” life.

Dumating ang kabaong ni Enrile sa Senado bandang 8:58 ng umaga at agad na dinala sa plenary hall ng Kapulungan para sa funeral service.

Dumalo sa necrological service sina dating President at ngayon ay congresswoman Gloria Macapagal Arroyo at dating Senador Richard Gordon.

Naroon din sina Senate President Vicente Sotto III, Senate President Pro Tempore Ping Lacson, Senate Majority Leader Juan Miguel Zubiri, at Senador Erwin Tulfo, Robin Padilla, Jinggoy Estrada, at JV Ejercito.

Dumalo rin sa service sina Senador Bam Aquino, Sherwin Gatchalian, Lito Lapid, at Mark Villar; dating Senador Jamby Madrigal; at Makati Mayor Nancy Binay.

Si Enrile, chief presidential legal counsel, ay pumanaw noong Nobyembre 13 sa edad na 101 sa pakikipaglaban sa pneumonia. RNT/JGC