MANILA, Philippines – Sa pamamagitan ng pinalakas na operasyon ng mga digital na sistema at inisyatiba ng Department of Labor and Employment (DOLE) sa 2025 ay pinadali, pinasimple at accessible ang pagtulong sa milyon-milyong mangagawang Pilipino at ibat-ibang stakeholders.
Kasama sa mga pagsisikap na ito ang patuloy na pag-aayos ng mga labor dispute, pagtugon sa mga tanong sa paggawa at trabaho, pagbigay ng plataporma para sa mga naghahanap ng trabaho, pagbigay ng online training at access sa mga aplikasyon, at napapanahong pagpapakalat ng impormasyon.
Ayon sa DOLE, ang mga inisyatiba nito ay nakapagpababa ng average na settlement time mula 15.87 araw noong 2024 hanggang 8.39 araw noong 2025 , isang halos 50 porsiyentong pagbuti.
Ang DOLE Hotline 1349 ay nakatanggap ng higit sa 156,261 tawag, Facebook messages, at e-mails, at tumugon sa higit sa 162,412 mga query.
Ang mga online system tulad ng Online Technical and Advisory Visit at DOLE Online Compliance Portal ay nagbibigay ng mga kompanya ng mga gabay sa labor standards at nagpapasimple sa regulatory compliance.
Ang PhilJobNet ay nag-uugnay sa mga naghahanap ng trabaho at mga employer, na nagpapahintulot sa mga manggagawa na lumikha ng mga profile, mag-browse ng mga job openings, at mag-aplay nang direkta online.
Ang mga inisyatiba ng DOLE ay nagbibigay ng pag-asa sa mga manggagawa sa pamamagitan ng pagtulong sa kanila na malutas ang mga alitan, makakuha ng napapanahong suporta, makakuha ng mga sagot sa mga tanong sa paggawa, makahanap ng mga available na trabaho, at mapabuti ang kanilang mga kasanayan, na nagpapasulong sa kanilang mga kondisyon sa pamumuhay. Jocelyn Tabangcura-Domenden
