MANILA, Philippines – Nananatiling nakataas ang Tropical Cyclone Signal No. 1 sa ilang lugar sa bansa habang si Opong (internasyonal na pangalan: Bualoi) ay lumakas sa typhoon category, ito ay gumagalaw sa West Philippine Sea, sinabi ng weather bureau ngayong Sabado.
Sa 5 a.m. weather bulletin, nasa 505 km kanluran ng Indang, Cavite ang Typhoon Opong, taglay ang maximum sustained winds na 120 km kada oras (kph) malapit sa gitna at may pagbugsong aabot sa 150 kph, at kumikilos pakanluran hilagang-kanluran sa bilis na 30 kph.
Sinabi ng Philippine Atmospheric, Geophysical and Astronomical Services Administration (PAGASA) na nananatiling nakataas ang Signal No. 1 sa kanlurang bahagi ng Pangasinan (Agno, Burgos, Dasol, Infanta, Mabini), Zambales, Bataan, ang kanlurang bahagi ng Cavite (Corregidor Island, Ternate, Maragondon, Magallanes), ang kanlurang bahagi ng Libangan hilagang bahagi ng Occidental Mindoro (Paluan, Mamburao, Abra de Ilog) kasama ang Lubang Islands, at Calamian Islands.
Lalabas si Opong sa Philippine Area of Responsibility (PAR) Sabado ng umaga o tanghali.
Babagtasin ng Typhoon Opong ang pakanluran hilagang-kanluran patungo sa hilagang Vietnam.
Maulap na kalangitan na may kalat-kalat na mga pag-ulan at pagkidlat-pagkulog ang inaasahan sa Metro Manila, Ilocos Region, Central Luzon, Calabarzon, at Mimaropa dahil sa labangan ng Opong.
Samantala, parehong lagay ng panahon ang iiral sa Western Visayas, Negros Island Region, at Zamboanga Peninsula dahil sa habagat.
Ang nalalabing bahagi ng bansa ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa mga localized na thunderstorm.
Katamtaman hanggang sa malakas na hangin at katamtaman hanggang sa maalon na karagatan ang mararanasan sa Luzon, habang ang natitirang bahagi ng kapuluan ay magkakaroon ng mahina hanggang sa katamtamang hangin at banayad hanggang sa katamtamang pag-alon ng karagatan. RNT/MND
