MANILA, Philippines – Inanunsyo ng Department of Energy (DOE) na muling tataas ang presyo ng gasolina at diesel sa susunod na linggo—ikalimang sunod na pagtaas para sa gasolina at ikaapat naman para sa diesel.
Ayon kay DOE-OIMB assistant director Rodela Romero, posibleng tumaas ng humigit-kumulang ₱0.20 kada litro ang gasolina at ₱0.50 kada litro ang diesel, habang mananatiling pareho ang presyo ng kerosene.
Ipinaliwanag niya na dulot ito ng tensyong geopolitikal—kabilang ang pag-atake ng Israel sa Qatar, drone incursion ng Russia sa Poland, at mas mababang produksyon ng OPEC+ kaysa inaasahan—pati na rin ng bagong trade tariffs ng U.S. na nakaapekto sa industriya ng langis.
Iaanunsyo ng mga kompanya ng langis ang opisyal na presyo sa Lunes at ipatutupad kinabukasan. RNT
