MANILA, Philippines – Nagdeklara na ng state of calamity ang Quezon City dahil sa epekto ng Southwest Monsoon o Habagat na nagpabaha sa maraming lugar dahil sa malalakas na buhos ng ulan.
Batay sa kumpirmasyon ni Quezon City Mayor Joy Belmonte, idineklara ng konseho ang state of calamity para sa mas mabilis na access sa Quick Response Fund “which would ensure swifter response, recovery, and rehabilitation.”
Samantala, idineklara na rin ang state of calamity sa buong probinsya ng Cavite dahil din sa epekto ng Habagat.
Dahil dito ay pinayagan na si Governor Francisco Gabriel Remulla na i-tap ang P15 milyon mula sa Quick Response Fund para sa relief at disaster response. RNT/JGC
