MANILA, Philippines – Umapela si Nueva Ecija Governor Aurelio Umali laban sa utos ng Ombudsman na suspendihin siya nang isang taon na walang sahod, na tinawag niyang politically motivated at nakabatay lamang sa isyu ng interpretasyon ng batas.
Sa isang post sa Facebook, sinabi ni Umali na naghain na siya ng motion for reconsideration.
“Iginagalang ko ang legal na proseso, ngunit malinaw na walang kinalaman ito sa anumang kasong kriminal, korapsyon, pagnanakaw, o maling gawain,” aniya, at iginiit na usapin lamang ito sa pag-isyu ng CSG permits.
Ayon sa Ombudsman, may ebidensya na naglabas si Umali ng 205 quarrying permits nang walang kaukulang sertipikasyon mula sa Department of Environment and Natural Resources (DENR).
Binigyang-diin ni Umali na ang reklamo ay mula sa isang “perennial complainant” na kasalukuyang aide ng kanyang matinding katunggali sa pulitika na balak tumakbo bilang gobernador sa 2028.
“It is important to emphasize that the complaint against me was politically motivated. The complainant is a well-known ‘perennial complainant,’ who has long been involved in political cases and is currently serving as a security aide to one of my strongest political rivals—an individual who has already publicly declared his intention to run for governor in 2028,” ani Umali.
“No political harassment, no baseless accusations, and no unjust rulings will stop us from pursuing our shared vision of a strong, progressive, and just Nueva Ecija,” dagdag pa niya. RNT
