HINDI makakasama si Vietnam power hitter Nguyen Thi Bich Tuyen sa 2025 FIVB Volleyball Women’s World Championship na gaganapin sa Thailand.
Tatlong araw bago magsimula ang torneo, naghain siya ng withdrawal request sa Volleyball Federation of Vietnam (VFV).
Matagal nang may kontrobersya tungkol sa kanyang kasarian, ngunit ang mismong dahilan ng pag-atras ay ang mga bagong requirements ng FIVB na hindi umano malinaw at patas.
Sa kanyang pahayag, sinabi ni Tuyen na hindi ito dahil sa kakulangan ng kagustuhan na maglaro kundi dahil sa regulasyong ipinataw ng FIVB.
Para sa kanya, kulang sa transparency at respeto ang bagong panuntunan.
Dagdag pa niya, bawat atleta ay may karapatang makipaglaban sa patas na paraan. GP
