TINGNAN: Final inter-agency coordinating conference, send-off ceremony sa SONA 2026

MANILA, Philippines – Malugod na tinanggap ni PBGEN RANDY GLENN SILVIO, District Director ng Quezon City Police District (QCPD), si PMGEN WILSON JOSEPH LOPEZ., Officer-in-Charge, Office of the Deputy Chief PNP for Operations (ODCO) at Overall Supervisor ng STF SONA 2026, na siyang nanguna sa Final Inter-Agency Coordinating Conference on the Security Preparations and Deployment Plans at Send-Off Ceremony bilang paghahanda sa ika-5 State of the Nation Address (SONA) ni Pangulong Ferdinand Romualdez Marcos Jr., na ginanap nitong Biyernes, Hulyo 24, 2026 sa QCPD Grandstand, Camp Karingal, Quezon City.

Ito ay dinaluhan ni PMGEN ANTHONY A ABERIN, Regional Director ng NCRPO.

Sa isinagawang Inter-Agency Coordinating Conference, tinalakay ang pinakahuling Threat and Risk Assessment, mga rekomendasyon sa seguridad, at ang kabuuang Security Deployment Plan upang matiyak ang maayos, mapayapa, at ligtas na pagdaraos ng SONA.

Kasunod nito ay isinagawa ang Send-Off Ceremony, na nilahukan ng mga tauhan mula sa iba’t ibang yunit ng Philippine National Police (PNP) at iba pang ahensya ng pamahalaan.

Bahagi ng programa ang inspeksyon at pagpapakilala sa mga contingent personnel, pagbasbas sa mga tauhan at kagamitan, at ang pormal na pagpapadala sa kanila sa kani-kanilang Areas of Responsibility (AORs) bilang paghahanda sa pagpapatupad ng security operations.

Dumalo rin sa aktibidad ang NCRPO Command Group, District Directors, NEMSQ, at iba pang opisyal mula sa iba’t ibang PNP units at partner government agencies na katuwang sa pagpapatupad ng komprehensibong security plan para sa SONA 2026. RNT