MANILA, Philippines – Hindi inabandona ni Senador Ronald “Bato” Dela Rosa ang kanyang opisina sa kabila ng mahaba nitong pagliban, ayon sa legal counsel nito na si Israelito Torreon.
“Senator Dela Rosa has not abandoned his office. His office remains open, fully staffed, and working. He is not attending in person only because he faces arrest and surrender to a foreign tribunal on a warrant whose enforceability in the Philippines is still pending before the Supreme Court,” ani Torreon.
Hindi na nakita ng publiko si Bato mula pa noong 2025 maliban sa mabilis at biglaan nitong pagpapakita noong Mayo.
“The Senate itself placed him under protective custody while he exhausts his legal remedies, and those remedies are still pending. We are confident that the Committee will decide this matter on the basis of its Rules and the evidence,” dagdag pa.
Sinabi rin nito na si Dela Rosa ay maaari lamang na madisiplina sa batas na umiiral.
Sa rules ng komite, sinasabi na wala itong hurisdiksyon “as no rule has been violated.”
Iginiit din ng counsel ni Dela Rosa na bagamat nakita ng Senate Ethics Committee ang reklamo na sufficient in form, ito ay ginawa lamang upang maipadala ang reklamo sa senador.
“It is not a finding that Senator Dela Rosa violated any rule, and it was made before he had been heard,” sinabi pa ni Torreon.
Natanggap ng opisina ni Dela Rosa ang notice ng komite noong Nobyembre 19.
Ani Torreon, sumagot na sila sa notice na ito at kung may paparating pang affidavit, sinabi nito na tanging lima lamang sa siyam na complainant ang nagpasa ng affidavit.
“Senator Dela Rosa will file his answer within the period the Committee has given, and will ask that the complaint be dismissed,” ani Torreon. RNT/JGC