MANILA, Philippines – Sinabi ni Senate Blue Ribbon Committee Chairman Panfilo “Ping” Lacson na walang ebidensiya na nag-uugnay kay dating House Speaker Martin Romualdez sa flood control projects corruption scandal.
Ayon kay Lacson, tanging ebidensya lamang ang dapat sundan, kaya’t walang dahilan para sa trial by publicity.
Ani House Deputy Speaker Paolo Ortega, malinaw na ipinapakita ng pahayag ni Lacson ang kahalagahan ng due process at institutional independence.
Wala ring witness na direktang nag-implicate kay Romualdez maliban kay Orly Guteza, na hindi rin nagpapatunay sa kanyang testimonya sa DOJ, Ombudsman, o ICI.
“Accountability is important, but it cannot be built on rumors or unsubstantiated claims,” sabi ni Ortega.
“In the absence of affidavits and documentation, the responsible course is to stop the noise and allow institutions to do their work,” dagdag niya.
Ang pahayag ni Lacson ay sumusuporta sa naunang findings ng Independent Commission for Infrastructure (ICI) na walang malinaw na sala o pananagutan si Romualdez. RNT/MND
