MANILA, Philippines – Nakakuha ng pinakamataas na marka sa dentists licensure examination na ginanap noong Hunyo ang tatlong nagtapos ng University of the Philippines-Manila.
Ayon sa Professional Regulation Commission, 673 sa 1,207 test takers ang nakapasa sa pagsusulit na ibinigay ng Board of Dentistry sa Metro Manila, Baguio at Cebu noong Hunyo 8 at 15.
Si Nathaniel Kyle Adrian Lim Delfin ang nakakuha ng pinakamataas na iskor na may 82.97%, na sinundan ng kapwa UP Manila grads Maxine Denielle Trinidad Gonzaga na may 82.76% at Nicole Eunice Rogel Alvarez sa 82.57%.
Ang nangungunang paaralan na may 50 o higit pang mga kumukuha ng pagsusulit ay ang University of the East -Manila , kung saan 103 sa 116 na pagsusulit nito ang pumasa para sa success rate na 88.79%.
Upang makita ang kumpketong listahan ng mga nakapasa sa dentists licensure examination, sinabi ng PRC na maaring bisitahin ang kanilang official website. (Jocelyn Tabangcura-Domenden)
