MANILA, Philippines – Inihain na sa Makati Regional Trial Court ang hiling ng pamahalaan ng Estados Unidos para sa extradition ni Kingdom of Jesus Christ (KOJC) founder Apollo Quiboloy.
Ayon sa DOJ, ang petisyon ay inihain nitong Nobyembre 9, 2026 at ni-raffle sa Makati RTC Branch 145.
Bukod kay Quiboloy, may extradition request din para kay Teresita Dandan at Helen Panilag.
Kamakailan ay humiling ang US government sa Pilipinas na i-extradite si Quiboloy kaugnay sa sex trafficking at racketeering charges na kinaharap nito sa Estados Unidos.
Noong Oktubre, kinumpirma ng DOJ na nasa pinal na yugto na ang paghahanda sa extradition petition. RNT/JGC
