MANILA, Philippines – Napili ng Supreme Court ang University of Santo Tomas (UST) bilang National Headquarters (NHQ) para sa 2025 Bar Examinations.
Ito ang unang pagkakataon na magsisilbi ang UST bilang central hub mula nang idecentralize ang pagsusulit noong 2020.
“The act of serving for the 2025 Bar Exams is never a burden. It is always a privilege,” ani Associate Justice Amy C. Lazaro-Javier, 2025 Bar Chairperson at isang UST alumna.
Nanawagan si Lazaro Javier sa mga Bar personnel na iangat ang pinakamataas na standard sa public trust at integrity.
“Behind every exam paper is a dream, a family, and a story of hope and sacrifice,” dagdag ng mahistrado.
Ikinagalak naman ni UST Secretary-General Rev. Fr. Louie R. Coronel ang pagkakapili sa unibersidad. Sumasalamon aniya nito ng misyon ng UST.
“It is a concrete expression of our shared commitment to the formation of future members of the legal profession: men and women who will uphold justice, integrity, and the rule of law,” ani Coronel.
Bukod sa pagiging national headquarters, ang UST ay isa rin sa official testing sites sa buong bansa.
Ang iba pang testing centers sa Metro Manila ay:
San Beda University (Mendiola)
New Era University (Quezon City)
Manila Adventist College (Pasay)
San Beda College Alabang (Muntinlupa)
University of the Philippines BGC (Taguig)
Ateneo de Manila University School of Law (Makati)
Mayroon din testing sites sa Baguio, Naga, Cebu, Iloilo, Tacloban, Davao, at Iligan.
May kabuuang 13,301 examinees ang inaasahan na kuluha ng Bar ngayong September 7, 10 at 14, 2025. TERESA TAVARES
