Manila, Philippines- Hahataw na ang pinakahihintay na independent film festival na Cinemalaya 21 ngayong Oktubre.
Dahil patuloy ang rehabilitasyon ng Cultural Center of the Philippines, ipalalabas ito sa kauna-unahang pagkakataon sa Red Carpet Cinemas sa Shangri-La Plaza Mall.
Bongga ang lineup sa ika 21 edisyon nito, dahil tampok dito sina Alessandra de Rossi, Ely Buendia, Janella Salvador, Jasmine Curtis-Smith, Vhong Navarro, Dolly de Leon, Zanjoe Marudo, Jackie Lou Blanco, JM Ibarra, Kai Montinola, Elijah Canlas, Rochelle Pangilinan, Angel Aquino, Ron Angeles, Mylene Dizon, Irma Adlawan, Kaki Teodoro, Jackie Woo, Dimples Romana, Paul Cedrick Juan, Eula Valdez, Sid Lucero, Leo Martinez, Inah Evans, Dexter Doria, Klea Pineda, Jojit Lorenzo, Zairene Fernandez, Geraldine Villamil, Leanne Mamonong, Lance Reblando, Valeria Ortega, Kaladkaren, Raquel Villavicencio, Soliman Cruz, Bong Cabrera, Rissey Reyes-Robinson at marami pang iba.
Kasama sa sampung full-length entries na ipalalabas ang ‘Child No. 82’ ni Tim Rone Villanueva, ‘Republika ng Pipolipinas’ ni Renei Dimla, ‘Bloom Where You are Planted’ ni Nonilon Abao, ‘Cinemartyrs’ ni Sari Dalena, ‘Habang Nilalamon ng Hydra ang Kasaysayan’ ni Dustin Celestino, ‘Padamlagan’ ni Jenn Romano, ‘Paglilitis’ nina Cheska Marfori at Raymund Barcelon, ‘Open Endings’ nina Nigel Santos at Keavy Vicente, ‘Raging’ by Ryan Machado at ‘Warla’ ni Kevin Alambra.
Magtutunggali naman sa short film category ang sampung napiling finalists na ‘Ascension from the Office Cubicle’ ni Hannah Silvestre, ‘Figat’ ni Handiong Kapuno, ‘Hasang’ ni Daniel de la Cruz, ‘I’m Best Left Inside My Head’ ni Elian Idioma, ‘Kay Basta Angkarabo Yay Bagay Ibat ha Langit’ni Marie Estela Paiso, ‘Kung Tugnaw ang Kaidalman sang Lawod’ ni Seth Andrew Blanca, ‘Please Keep This Copy’ ni Miguel Lorenzo Peralta, ‘Radikals’ ni Arvin Belarmino, ‘The Next 24 Hours’ ni Carl Joseph Papa at ‘Water Sports’ ni Whammy Alcazaren.
Ang Cinemalaya 21 ay idaraos mula Oktubre 3 hanggang 13 sa Shangri-La Plaza Mall. Archie Liao
