MANILA, Philippines — Nakahanda pa rin ang jackpot prizes para sa Ultra Lotto 6/58 at Super Lotto 6/49 dahil walang bettor ang nanalo sa July 20 draw ng Philippine Charity Sweepstakes Office (PCSO).
Sa 9 p.m. draw, sinabi ng PCSO na walang nakakuha ng jackpot prize ng Ultra Lotto 6/58 na nagkakahalaga ng P241,882,917.20. Mayroon itong number combination na 32-20-23-44-39-09.
Wala ring nakahula sa panalong kumbinasyon ng Super Lotto 6/49 na 27-13-12-29-44-34. Ang jackpot prize nito ay umabot sa P33,342,362.20.
Ang Ultra Lotto 6/58 ay dino-draw tuwing Martes, Biyernes, at Linggo habang ang Super Lotto 6/49 ay tuwing Martes, Huwebes, at Linggo. RNT/MND
