BAGUIO CITY – Hinihikayat ng PhilHealth ang mga miyembro na gamitin ang Yaman ng Kalusugan Program (YAKAP) para sa libreng konsultasyon at hanggang PHP20,000 na benepisyo sa gamot kada taon, kahit hindi sila may sakit.
“We encourage our members to avail of the services not just when they are sick and not feeling well but also when they are okay to ensure that they will continue to be well,” ani Magnolia del Rosario, information officer ng PhilHealth-Cordillera.
Nagbibigay ang YAKAP ng libreng check-up, mahahalagang diagnostic tests, at gamot mula sa 75 kategorya—kabilang ang antibiotics, anti-hypertensives, at anti-diabetics—sa mga accredited centers at 304 na botika sa buong bansa, kabilang ang 20 sa Cordillera.
Binigyang-diin ni Del Rosario na ito ay wellness package na layong itaguyod ang preventive care at bawasan ang mga future hospitalizations. Dave Baluyot
