LOS ANGELES — Pinasigla nina Anthony Edwards at Tyrese Maxey ang USA Stars laban sa USA Stripes 47-21 sa finals kahapon sa 75th NBA All-Star Game tournament.
Umiskor si Maxey ng siyam na puntos habang sina Edwards at Chet Holmgren ay nagdagdag ng tig-walo at dinaig ng young Stars talent ang veteran-laden USA Stripes sa championship game sa Intuit Dome, tahanan ng Los Angeles Clippers.
“We chose to compete today and we came out on top,” sabi ni Edwards, ang Minnesota Timberwolves guard na nanalo ng NBA All-Star Game Most Valuable Player award.
Sinimulan ng Stars ang final sa pamamagitan ng 12-1 run, pinalakas ng pitong puntos mula kay Maxey, nang hindi nakuha ng Stripes ang kanilang unang 10 shot.
Ang Stars kalaunan ay nagdagdag ng 15-0 run para sa 33-9 na kalamangan at ang Stripes ay hindi makapag-ipon ng rally.
Si Donovan Mitchell ay may anim na puntos at ang NBA all-time scoring leader na si LeBron James, isang All-Star sa ika-22 na pagkakataon, ay nagdagdag ng lima para sa Stripes sa final.
Sa halip na ang karaniwang two-team event, ang mga NBA stars ay naglaro ng torneo ng apat na 12 minutong laro sa pagitan ng dalawang panig ng US at isang World group ng pandaigdigang talento.JC
