MANILA, Philippines – Target ni Acting Justice Secretary Fredderick Vida ang ‘zero backlog’ sa mga aplikasyon para sa Good Conduct Time Allowance (GCTA) ng persons deprived of liberty (PDLs).
Aniya, malaking tulong ang digitalization efforts sa pagpapabilis ng pagproseso sa mga aplikasyon para sa polisiya.
“I think we’re on the right trajectory. ‘Yung projection natin na very soon, very soon, we will have zero backlog na in processing of all the GCTA applications,” sinabi ni Vida sa panayam ng ABSCBN News.
Sa ngayon ay nasa 31,000 GCTA applications ang naaprubahan sa ilalim ng administrasyong Marcos na higit sa mga naipamahagi ng nakalipas na tatlong administrasyon.
“Less than 2,000” ang under review pa rin, ani Vida.
Magbibigay pa si Vida ng mas komprehensibong report sa susunod na linggo kasabay ng ika-100 araw sa pwesto.
Samantala, sinabi ng Bureau of Corrections na ang zero backlog goal “signals stronger support for prisoners’ rights and rehabilitation.”
Sinabi rin ni Director General Gregorio Catapang Jr., na ang pagpapalaya sa mga PDL “alleviates overcrowding in detention facilities but also gives former inmates a chance to rebuild their lives and contribute positively to society.” RNT/JGC
