MANILA, Philippines – Aabot sa 852 ang bilang ng kukuha ng Shari’ah Bar Examinations na idaraos sa April 28 at May 2,2024.
Sinabi ni Shari’ah Bar Chairperson Maria Filomena Singh, sa 906 na naging aplikante, 852 lamang ang nakakumpleto at nakapagsumite ng mga kinakailangan na dokumento.
Sa 852 na qualified examinees, 575 ang kukuha ng digitalized Bar sa Ateneo de Davao habang 200 ang kukuha ng digitalized Bar sa UP Economics Building.
Nasa 77 examinees naman ang kukuha ng Bar Examinations ng mano mano.
Isasagawa ang dalawang araw na Shari’ah Bar Exams sa UP Diliman at sa Ateneo de Davao.
Sakop ng dalawang araw na examination ang Jurisprudence and Customary Laws, Family Relations and Property, Succession, Will o Adjudication and Settlement of Estates at Procedures in Shari’ah Court. Teresa Tavares
