MANILA, Philippines – Ayon sa Department of Education (DepEd), isa sa mga estudyanteng nasugatan sa pamamaril sa San Jose National High School sa Tacloban City noong Hunyo 22 ay nananatili sa intensive care unit (ICU).
Ayon sa pinakahuling health update noong Sabado, Hunyo 27, ang estudyante ay gising, nakakapag-usap nang maayos, at nasa soft diet na.
Samantala, 11 iba pang sugatang estudyante ang patuloy na nagpapagaling habang tumatanggap ng kinakailangang gamutan sa ospital.
“Based on the latest update, most of our learners who remain hospitalized are in stable condition, and are showing positive signs of improvement,” ayon sa DepEd.
“The learners who underwent operations are also recovering, while the others continue to be monitored and provided with the necessary medical care,” dagdag ng kagawaran.
Dalawa sa mga sugatang estudyante ang nakalabas na ng ospital, habang dalawa pa ang inaasahang makakauwi na rin sa mga susunod na araw. RNT/MDS
