LEYTE, Philippines – Patay ang isang babae at sugatan ang tatlong iba pa matapos bumangga ang isang motorsiklo at pickup truck sa Barangay Gov. E. Jaro, Babatngon, Leyte, bago maghatinggabi noong Biyernes.
Ang biktima, si “Rochie,” 48, residente ng Tacloban City, ay pasahero ng motorsiklo at idineklara nang patay sa lugar. Sugatan naman ang driver na si “Sanny,” 31, ang kanyang 9-anyos na anak, at isang pasahero ng pickup truck na si “Mary,” 26; dinala silang lahat sa Eastern Visayas Medical Center.
Ayon sa imbestigasyon, bumangga mula sa likod ang pickup truck sa motorsiklo habang pareho silang patungo sa Tacloban City, na nagdulot ng pag-skid at pagkakabangga sa kalsada.
Ang pickup truck driver na si “Rey,” 28, ay may lisensiya at kasalukuyang iniimbestigahan kasama ang mga sasakyan sa Babatngon Police Station. RNT/MND
