ISRAEL – Aabot sa 10 katao ang patay at 50 ang sugatan matapos ang air strikes ng Israel sa Bekaa Valley, Lebanon, nitong Biyernes.
Ayon sa Israeli military, tinarget nila ang mga Hezbollah command centres sa Baalbek area.
Kabilang sa mga nasawi ang isang senior Hezbollah official.
Ito ay isa sa pinakamatinding insidente sa eastern Lebanon nitong mga nakaraang linggo at maaaring subukan ang fragile ceasefire na pinamamagitan ng U.S. noong 2024 sa pagitan ng Israel at Hezbollah.
Nagbabala ang Lebanese leaders na ang mas malawak na Israeli strikes ay maaaring lalong magpalala ng political at economic crisis sa bansa.
Bukod dito, tinarget din ng Israel ang isang Hamas command centre sa Ain al-Hilweh, isang Palestinian refugee camp sa southern Lebanon.
Tinuligsa ng Hamas ang Israeli claim, na ang target ay bahagi ng Joint Security Force na nagpapanatili ng seguridad sa kampo.
Ang parehong Israel at Hezbollah ay dati nang nagpalitan ng akusasyon sa paglabag sa ceasefire simula noong 2024. RNT/MND
