MANILA, Philippines- Umakyat na ang bilang ng validated election-related incidents (ERIs) sa 11, ayon sa Philippine National Police (PNP) nitong Huwebes.
Sinabi ng PNP na siyam sa validated ERIs ay “violent” habang dalawa ang “non-violent.”
Karamihan sa naberipikang ERIs ay iniulat sa Bangsamoro Autonomous Region in Muslim Mindanao sa lima, sinundan ng Western Visayas sa dalawa. Tig-iisang validated ERI ang naitala sa Ilocos Region, Zamboanga Peninsula, Soccsksargen, at Cordillera Administrative Region.
Bineberipika pa ng PNP ang dalawang hinihinalang ERIs sa Davao Region at Calabarzon.
Samantala, sinabi ng PNP na may kabuuang 1,783 indibidwal ang naaresto sa paglabag sa election gun ban.
Karamihan sa mga ito ay mula sa Metro Manila sa 577, sinundan ng Central Luzon sa 254 at Central Visayas sa 249, base sa PNP.
Kabilang sa mga naarestong election gun ban violators ang mga sumusunod:
12 PNP personnel
siyam na Armed Forces of the Philippines personnel
anim na tauhan mula sa iba pang law enforcement agencies
anim na elected government officials
dalawang appointed government officials
dalawang CAFGU Active Auxiliary
siyam na foreign nationals
tatlong children in conflict with the law
31 security guards
1,702 sibilyan
