Home NATIONWIDE 12K 4Ps members bibigyan ng oportunidad sa ‘Trabaho sa Bagong Pilipinas’ job...

12K 4Ps members bibigyan ng oportunidad sa ‘Trabaho sa Bagong Pilipinas’ job fair

MANILA, Philippines- Sinabi ng Department of of Social Welfare and Development (DSWD) na magbibigay ng oportunidad sa halos 12,000 benepisyaryo ng Pantawid Pamilyang Pilipino Program (4Ps) ang Trabaho sa Bagong Pilipinas sa gaganaping job fair ngayong Biyernes( January 31).

Ayon sa DSWD ang one-stop-shop job fair ay kasado sa Rizal Memorial Stadium sa Maynila sa ganap na alas-10 ng umaga hanggang alas-5 ng hapon kung saan matapos makapagparehistro, ang 4Ps beneficiaries mula sa National Capital Region (NCR) ay sasailalim sa orientation para sa mga serbisyong ibibigay ng ibat-ibang government agencies.

Matapos naman ang orientation ay bibigyan ang mga 4Ps members ng halagang P3,000 financial assistance para sa gastusin sa pre-employment requirements, kabilang ang medical examinations at transportation allowance.

Nabatid na kabilang sa mga booths sa Trabaho sa Bagong Pilipinas’ ang DSWD, DOLE, Department of Agriculture (DA), Department of Trade and Industry (DTI), Technical Education and Skills Development Authority (TESDA), Overseas Workers Welfare Administration (OWWA), Philippine Statistics Authority (PSA), National Bureau of Investigation (NBI), Philippine National Police (PNP), Social Security System (SSS), Bureau of Internal Revenue (BIR), PhilHealth, Pag-Ibig, at Office of the President (OP).

Ayon pa sa DSWD, ang DOLE ang magiging in-charge sa koordinasyon sa mga business establishments na tatanggap para sa mga bagong empleyado habang ang TESDA ang magsasagawa ng mga trainings para sa mga 4Ps beneficiaries .

Samantala, magkakaroon naman ang ‘Sulong Trabaho’ SLP Employment Assistance Booth ng Sustainable Livelihood Program (SLP) ng DSWD para naman mag-orient sa mga 4Ps members kaugnay ng SLP Employment Track.

“There will be an assessment for 4Ps beneficiaries who are able to secure their employment during the job fair. They will fill up forms and once their assessment turns positive, their application will be processed in the NCR regional office,” sabi ni SLP Asst. Secretary Florentino Loyola Jr.

Dagdag pa niya: “All eligible beneficiaries will be given a slip in the SLP booth which they will present to the regional office during the payout.” Santi Celario