MANILA, Philippines – Isusubasta ng Bureau of Customs (BOC) ang 13 luxury vehicles ng mga contractor na sina Curlee at Sarah Discaya, sinabi ng Independent Commission for Infrastructure (ICI) nitong Huwebes.
Ayon kay ICI Executive Director Brian Hosaka, ipinaalam ni BOC Commissioner Ariel Nepomuceno sa komisyon na kulang sa tamang papeles ang mga sasakyan dahilan upang pahintulutan itong isubasta.
“Which now gives them right, gives the right for them to auction it off. So in a couple of weeks, I think, according to Commissioner Nepomuceno,” aniya.
“They’re just going through the process of approval with the DOF and they will be auctioning this off. In that case, there will be an immediate recovery,” dagdag niya.
Noong Oktubre, naglabas ang BOC ng Warrant of Seizure and Detention na sumasaklaw sa 13 sasakyan dahil sa mga isyu sa mga dokumentong isinumite ng mga Discaya.
Sa tantiya ng BOC, P100 milyon ang buwis na hindi nababayaran nang makuha ng mag-asawang Discaya ang 13 sasakyan.
Iniulat din nito na ang karamihan sa mga nasamsam na sasakyan ay walang mga talaan ng mga binabayarang tungkulin at buwis. RNT/MND
