Ayon sa ulat, lumubog ang Ro-Ro vessel bandang ala-1 ng madaling araw habang pa-Jolo, Sulu mula Zamboanga City.
Pumasok ang tubig sa lower deck at natagilid ang barko dahil sa malalakas na alon.
Iniulat ni Basilan Gov. Mujiv Hataman na 223 pasahero, kabilang ang apat na patay, ay naihatid sa Isabela City port.
Ang Philippine Coast Guard, Navy, pulis, at mga lokal na bangka pangisda ang kasalukuyang nagsasagawa ng search and rescue.
Ayon sa isang off-duty crew member, ipinamahagi ng crew ang life vests sa mga pasahero habang natatagilid ang barko.
Ipinunto niya na sanhi ng paglubog ang naputol na harness para sa mga sasakyan sa barko.
Ito na ang ikalawang insidente ng Aleson Shipping sa lugar matapos masunog ang M/V Lady Mary Joy 3 noong Marso 2023. RNT/MND
