May kabuuang 17 medalya ang napanalunan ng isang pangkat ng mga Filipino math aces sa isang 30-nation mathematics competition na ginanap sa Lucknow, kabisera ng hilagang-silangang estado ng Uttar Pradesh ng India, inanunsyo ng Mathematics Trainers Guild Phils. (MTG) noong Sabado, Agosto 3.
Ayon sa MTG na nagsasanay din ng mga delegasyon, nasungkit ng mga estudyante ang tatlong silver, 7 bronze, at 7 merit medals sa India International Mathematics Competition (InIMC) na ginanap mula Hulyo 26 hanggang 31.
“The contingent competed online against about 600 math aces from 30 countries, including the US, Canada, China, Taiwan, South Africa, Sri Lanka, South Korea, Peru, Thailand, Mongolia, Botswana, Cyprus, Bulgaria, Romania and host India, among others. Teams from the US topped both the elementary and high school divisions,” paliwanag ng MTG.
Ang mga silver medalist ay sina Jenelle Nyka Lee mula Chiang Kai Shek College; Annette Tiffany Yu mula St. John’s Institute at Ethan Caleb Choy mula Jubilee Christian Academy.
Ang mga bronze medalists naman ay sina Hillary Beatrice Lorenzo mula Immaculate Conception Academy; Kallen Johanneson Chan mula Jubilee Christian Academy; Kate Dominique Siaco mula Singapore School Manila; Shaun Lawrence Poh Leung at Jaden Nathan Hernandez, kapwa mula St. Stephen’s High School. Dalawa pang na bronze medals na nakuha ng mga Filipino sa team category.
Nasungkit naman ang merit medals nina Joaquin Edward Cardinal ng Integrated Montessori Center; Steve Lowell Poh Leung ng St. Stephen’s High School; Ashton Grant Yang ng Jubilee Christian Academy; Ethan Liam Go mula St. Jude Catholic School; Liam Mikkel Dejadina ng Ateneo de Manila University Grade School; Jayden Andrew Cobankiat at Jared Cobe Ng, kapwa mula Grace Christian College.
Team leader ng grupo si MTG officer Renard Eric Chua .
Noong nakaraang linggo, dalawang ibang team ng MTG-trained students ang nag-uwi ng kabuuang 126 na medalya mula sa mga paligsahan sa Singapore at South Korea. (Jocelyn Tabangcura-Domenden)
