MANILA, Philippines- Naaresto ng mga awtoridad ang dalawang drug suspects at nakumpiska ang nasa 225 gramo ng umano’y shabu na tinatayang nagkakahalaga ng ₱1,530,000, sa ikinasang buy-bust operation sa Barangay Maharlika, Taguig City ng mga operatiba ng SPD Drug Enforcement Unit, PDEA-SDO, DID, DSOU, at DMFB Taguig City Police Sub Station 7.
Ang mga naarestong suspek ay kinilala ni Southern Police District (SPD) District Director, BGen Bernard Yang na sina Kar, 35-anyos; at alyas Meriam, 30-anyos, kapwa umano part-time employees ng J&T at nakatira sa Bgy. Maharlika sa nasabing lungsod.
Nakumpiska ng mga pulis ang hinihinalang ilegal na droga, buy-bust money, android phone at sling bag.
Dinala ang narekober na mga ebidensya sa SPD Forensic Unit upang suriin, habang nakakulong ngayon ang dalawang suspek sa Taguig City Custodial Facility at nahaharap sa kasong paglabag sa RA 9165 o Comprehensive Dangerous Drugs Act of 2002. Dave Baluyot
