2 binatilyo nilamon ng ilog sa Cagayan

MANILA, Philippines – Dalawang batang lalaki ang nalunod sa Santa Teresita at Peñablanca, Cagayan nitong linggo.

Isang 11-anyos na batang lalaki ang nalunod sa isang irigasyon sa Barangay Villa sa Santa Teresita noong Martes.

Sinabi ng pulisya na nagtungo sa irigasyon ang biktimang si John, residente ng Barangay Villa, at dalawang kaibigan nito para mangisda.

Iniwan nila siya upang mangolekta ng mga bulate para sa pain. Bumalik sila at nakita ang biktima na lumulutang sa
kanal ng irigasyon.

Dinala ng mga residente si John sa ospital kung saan idineklara itong patay.

Dagdag pa ng imbestigasyon, nagkaroon ng epilepsy ang biktima sa kanilang bahay malapit sa irrigation canal bago ang insidente.

Noong Lunes, isang 12-anyos na batang lalaki ang nalunod habang lumalangoy sa Pinacanauan River sa Barangay Centro, Peñablanca.

Ang biktimang si Manny ay dinala ng mga rescuer sa ospital kung saan idineklara itong patay. RNT