MANILA, Philippines – Inilunsad ng Department of Health (DOH) ang dalawang araw na “PinaSigla: Isang Flex para sa Masiglang Pilipinas!” health fair sa Burnham Green sa Luneta nitong Sabado, Oktubre 4.
Layon ng naturang event na ilapit ang healthcare at wellness sa mga Filipino sa pagbibigay ng libreng serbisyong medikal, interactive learning, at disease prevention activities.
Pinangunahan ni Health Secretary Ted Herbosa ang paglulunsad na sinamahan nina Assistant Secretary Albert Francis Domingo at Health Promotion Bureau Director Maria Kristina Marasigan.
“Today and tomorrow, we have booths here that you can visit,” ani Herbosa.
Tampok dito ang libreng consultation services on-site, katulad ng medical check-ups, vaccinations, lab screenings, at HIV testing.
Available din dito ang nutrition at mental health counseling.
Mayroon ding interactive activities katulad ng Zumba dances at Health Circ8 Challenge — isang circuit ng walong zone na sumisentro sa nutrition, physical activity, mental health, reproductive health, immunization, at iba pa.
Isinasagawa rin ang practical demonstrations sa road safety, handwashing, stress management, disaster preparedness at family planning.
Ang fair ay tatakbo hanggang ngayong araw, Oktubre 5. RNT/JGC
