2 timbog sa higit P3.4M tobats sa Laguna

STA. CRUZ, LAGUNA — Nasabat ng mga operatiba ng PDEA Regional Office 4A at Santa Cruz Municipal Police Station Drug Enforcement Unit ang mahigit P3.4 milyong halaga ng hinihinalang shabu sa isang buy-bust operation sa Barangay Gatid noong Marso 17, 2025.

Naaresto ang dalawang itinuturing na high-value drug personalities na kinilalang sina alias Leovigildo, 38, at alias Allan, 45, parehong residente ng Barangay Biñan, Pagsanjan, Laguna.

Nakuha mula sa mga suspek ang limang plastic bag na naglalaman ng humigit-kumulang 500 gramo ng shabu at buy-bust money.

Nahaharap ngayon ang mga suspek sa kasong paglabag sa Republic Act 9165 o ang Comprehensive Dangerous Drugs Act of 2002 at kasalukuyang nasa kustodiya ng PDEA Region 4A Custodial Facility sa Santa Rosa City, Laguna. RNT