MANILA, Philippines – Naka-standby na rin ang Department of Health (DOH) at ng mga Government-Owned and Controlled Corporations o GOCCs upang tumanggap ng mga pasyente na hindi na kayang i-accomodate ng Philippine General Hospital (PGH) na ngayon ay pansamantalang puno ang kanilang Emergency Room.
Nasa 20 DOH at GOCCs Hospital ang nakahandang tumulong sa PGH ER overflow.
Ayon kay Health Secretary Ted Herbosa, bukas ang mga DOH at GOCC hospitals sa Metro Manila para tanggapin ang mga pasyenteng hindi kayang ma-accommodate ng PGH.
Kabilang sa mga alternatibong ospital ay ang Jose Reyes, San Lazaro, Fabella, East Avenue, Orthopedic Center, Quirino Memorial, at Valenzuela Medical Center, pati na rin ang Lung Center, Kidney Institute, Heart Center at Children’s Medical Center.
Bago magdala ng pasyente, pinapayuhan ang mga ospital at ambulansya na tumawag muna sa DOH-MMCHD sa numerong 0956-175-3710 o 0920-251-1800. Jocelyn Tabangcura-Domenden
