MANILA, Philippines – Inatasan ng Supreme Court (SC) ang kampo ni Vice President Sara Duterte na magkomento sa inihain na motion for reconsideration ng House of Representatives kaugnay sa pagdismiss sa impeachment complaint laban kay VP Sara.
Binigyan lamang ng SC En Banc ang kampo ng Bise Presidente ng sampung araw para isumite ang kanilang komento.
Magugunita nitong Hulyo 25, 2025, pinagbigyan ng SC ang petisyon ni Duterte na ibasura ang ikaapat na impeachment complaint sa unanimous vote na 13-0-2.
Nag-inhibit sa botohan si Associate Justice Alfredo Benjamin S. Caguioa habang si Associate Justice Maria Filomena D. Singhay naka-leave naman sa panahon na iyon.
Sinabi ng SC na walang bisa ang impeachment complaint sa simula dahil nilabag nito ang one-year ban at ang due process requirements.
Isinaad ng korte suprema na immediately executory ang kanilang desisyon. RNT
