MANILA, Philippines – Sinabi ng Philippine Atmospheric, Geophysical and Astronomical Services Administration (PAGASA) na 20 lugar ang nakaranas ng “peligrosong” heat index o damang-init nitong Martes, Mayo 7.
Sinabi ng PAGASA na 47°C ang damang-init na naramdaman sa Dagupan City, Pangasinan, na sinundan ng heat index na 46°C sa Guiuan, Eastern Samar.
Sa Bacnotan, La Union; Laoag City, Ilocos Norte; Aparri, Cagayan; Iba, Zambales; Alabat, Quezon; Virac, Catanduanes; at Roxas City, Capiz, naramdaman ang heat index na 45°C.
Naitala rin ang heat index na 44°C sa Cuyo, Palawan, at Dumangas, Iloilo, habang naitala naman ang heat index na 43°C sa Puerto Princesa City, Palawan; Aborlan, Palawan; at Legazpi City, Albay.
Sa Central Luzon State University (CLSU) sa Muñoz, Nueva Ecija; Baler, Aurora; Ambulong, Tanauan, Batangas; San Jose, Occidental Mindoro; Masbate City, Masbate; at Zamboanga City, Zamboanga del Sur, naramdaman ang heat index na 42°C. RNT
