MANILA, Philippines – Nakapagtala ang Philippine Institute of Volcanology and Seismology (PHIVOLCS) ng 248 low-frequency volcanic earthquakes sa nakalipas na 24 na oras sa Bulkang Mayon.
Sa bulletin na inilabas nitong Sabado, Agosto 5, kabilang dito ang 124 tremor events na tumagal ng isa hanggang 18 minuto.
Nakapagtala rin ng limang pyroclastic density currents (PDCs) at 112 rockfall events.
Samantala, average na 1,602 tonnes ng volcanic sulfur dioxide naman ang ibinuga ng bulkan nitong Biyernes.
Ang lava ay mabagal na dumaloy na pumatong sa nauna nang lava flows sa Bonga gully, Mi-isi gully at Basud gully.
“The lava flows have maintained their respective advances to approximately 3.4 kilometers, 2.8 kilometers, and 600 meters from the crater,” sinabi ng PHIVOLCS.
“Rockfall and pyroclastic density currents or PDCs generated by collapses of the lava flow margins as well as of the summit dome deposited debris still within four (4) kilometers of the crater,” dagdag pa.
Nananatili pa rin ang Alert Level 3 sa Bulkang Mayon. RNT/JGC
