MANILA, Philippines – Sinabi ng Philippine Atmospheric, Geophysical and Astronomical Services Administration (PAGASA) na naitala ang peligrosong heat index o damang-init na 42°C ang naitala sa Ninoy Aquino International Airport (NAIA) sa Pasay City nitong Lunes, Abril 22.
Samantala, nakapagtala ang PAGASA ng delikadong heat index na 46°C sa Puerto Princesa City, Palawan, na sinundan ng heat index na 45°C sa Aborlan, Palawan; Virac, Catanduanes, at Zamboanga City, Zamboanga del Sur.
Naitala rin ang heat index na 44°C sa Dipolog, Zamboanga del Norte; istasyon ng Central Bicol State University of Agriculture (CBSUA) sa Pili, Camarines Norte; snd Iloilo City, Iloilo.
Sa Dagupan City, Pangasinan; Aparri, Cagayan; Central Luzon State University (CLSU) station sa Muñoz, Nueva Ecija; Sangley Point, Cavite; Coron, Palawan; San Jose, Occidental Mindoro; Masbate City, Masbate; at Roxas City, Capiz, delikadong heat index na 43°C ang naramdaman.
Samantala, sa Baler, Aurora; Casiguran, Aurora; Ambulong, Tanauan, Batangas; Infanta, Quezon; Daet, Camarines Norte; Masbate City, Masbate; Dumangas, Iloilo; Catbalogan, Samar; Davao City, Davao del Sur; Cotabato City, Maguindanao; at Butuan City, Agusan del Norte ay nakadama ng mapanganib na index na 42°C. RNT
