MANILA, Philippines- Arestado ang tatlong college students sa Zamboanga Sibugay ng mga tauhan ng Philippine Drug Enforcement Agency- Zamboanga (PDEA-9) sa umano’y drug den sa Barangay Veterans Village sa bayan ng Ipil.
Dalawa sa kanila ang criminology students habang ang isa ay social work student. Nakatakas ang kanilang kasamahan.
Nakumpiska sa nasabing operasyon ang 20 sachet ng hinihinalang shabu na nagkakahalaga ng halos P68,000 at iba pang drug paraphernalia.
Nahaharap ang mga suspek sa kasong paglabag sa Comprehensive Dangerous Drugs Act. RNT/SA
