MANILA, Philippines – Arestado sa Cotabato City ang tatlong umano’y matataas na pinuno ng New People’s Army (NPA) sa timog-silangang Mindanao.
Kinilala ng militar ang mga pinuno ng NPA na sina alyas “Aman,” kalihim ng Southern Mindanao Regional Committee (SMRC); alyas “Dewen,” deputy secretary at miyembro ng SMRC Executive Committee; at alyas “Memie.”
Ayon sa 10th Infantry Division (10ID), ang tatlo ay inaresto sa bisa ng warrant para sa iba’t ibang kaso, kabilang ang illegal possession, manufacture, at acquisition of firearms, ammunition, at explosives; mapanirang panununog; tangkang pagpatay; at Mga Krimen Laban sa Internasyonal na Makataong Batas, Genocide, at iba pang Krimen Laban sa Sangkatauhan.
Pinuri ni 10ID Commander, Major General Allan Hambala, ang militar at iba pang law enforcement agencies na sangkot sa operasyon. RNT
