MANILA, Philippines – Tatlong indibidwal, kabilang ang isang senior citizen, ang natagpuang patay at puno ng dugo sa isang compound sa Calamba City, Laguna.
Base sa ulat na pinaghahampas umano ng bakal mula sa improvised na sumpak ng suspek ang mga biktima.
Bago mangyari ang krimen, umiinom pa ng alak ang mga biktima kasama ang suspek, sabi sa ulat.
Nasaksihan ng live-in partner ng suspek ang krimen at sinabi nito sa pulisya na tulog ang mga biktima nang magsimula ang pambubugbog.
“Natutulog sila doon lang sa area na yon. Nagulat yung isang babae na parang biglang may malakas na lagabog. Nagulat yung isa niyang katabing lalaki,” ani Police Lieutenant Colonel Titoy Cuden.
Naaresto ang suspek sa follow-up operation, kung saan ipinaliwanag na nagawa niya ang krimen dahil sa pagtataksil.
Dagdag pa niya, sinubukan siyang salakayin ng isa sa mga biktima gamit ang isang bolo. RNT
