MANILA, Philippines — Arestado ang tatlong Filipino passenger matapos makitaan ng tinatayang P18.679 milyong halaga ng hinihinalang high-grade marijuana o “kush” ang kanilang mga bagahe sa Ninoy Aquino International Airport (NAIA) Terminal 3 nitong Huwebes, Setyembre 24.
Ayon sa Bureau of Customs-Ninoy Aquino International Airport (BOC-NAIA), dumating ang tatlo mula Bangkok, Thailand bago isinailalim sa physical examination ang kanilang mga bagahe matapos makitaan ng kahina-hinalang imahe sa X-ray screening.
Sa inspeksyon, natuklasan sa mga bagahe na unang nagmistulang naglalaman ng mga pagkain ang humigit-kumulang 18,679 gramo ng hinihinalang kush.
Tinatayang nasa P18,679,000 ang halaga ng nasabat na droga.
Sinabi ng BOC-NAIA na nagpapatuloy pa ang examination at verification procedures kaugnay ng nakumpiskang mga item.
Maglalabas umano ang mga awtoridad ng karagdagang detalye matapos makumpleto ang pagsusuri at kaukulang validation sa kaso. Dave Medina
