30 tirahan nasunog sa Laguna

MANILA, Philippines – Tinupok ng apoy ang nasa 30 tirahan sa Calamba City, Laguna nitong Linggo, Hunyo 16.

Ayon sa Region 4A police, nagsimula ang sunog 2:57 ng hapon sa residential area sa Barangay Lingga.

Ang sunog ay itinaas sa ikatlong alarma at naapula bandang 5:30 ng hapon.

Dahil dito ay nawalan ng tirahan ang nasa 35 pamilya.

Wala namang naitalang nasaktan o nasawi sa insidente.

Iniimbestigahan na ng mga awtoridad ang sanhi ng sunog at inaalam din ang halaga ng pinsala sa ari-arian.

Tumutuloy muna sa kalapit na chapel at mga hindi nadamay na mga kapitbahay ang mga apektadong pamilya. RNT/JGC