MANILA, Philippines – Nasa 35 unibersidad sa bansa ang nakapasok sa 2026 Quacquarelli Symonds (QS) Asia University Rankings.
Nananatiling top Philippine university ang University of the Philippines (UP) sa kabila ng pagbaba ng 18 pwesto sa ika-104.
Sumunod dito ang Ateneo de Manila University na bahagya namang bumuti sa 141, habang ang De La Salle University ay bumaba sa ika-178 pwesto.
Samantala, nanatili sa ikaapat na pwesto sa bansa ang University of Santo Tomas (UST) bagamat bumaba ito ng tatlong pwesto sa ika-184 sa 1,530 lumahok na mga unibersidad.
Nasa ikalimang pwesto naman sa mga paaralan sa Pilipinas ang Adamson University na bumaba mula sa 411-420 band sa 464 ngayong taon, sinundan ng University of San Carlos sa 507th (mula sa 481–490).
Ikawalong pwesto naman ang nakamit ng Polytechnic University of the Philippines sa 671st, mula sa 541–560 habang ang Silliman University ay nasa ikasiyam na pwesto sa 694th mula sa 601–620 at Mindanao State University–Iligan Institute of Technology na kumumpleto sa top 10 sa 731–740 (mula sa 701–750).
Pasok din sa ranking ngayong taon ang mga sumusunod na unibersidad:
Far Eastern University (681–700 → 761–770)
Ateneo de Davao University (701–750 → 851–900)
Saint Louis University (751–800 → 951–1000)
Xavier University (801–850 → 951–1000)
Central Luzon State University (851–900 → 1001–1100)
Central Mindanao University (851–900 → 1001–1100)
Lyceum of the Philippines University (801–850 → 1001–1100)
Mindanao State University (801–850 → 1001–1100)
Cebu Technological University (851–900 → 1101–1200)
Visayas State University (new, 1101–1200)
Angeles University Foundation (901+ → 1201–1300)
Central Philippine University (851–900 → 1201–1300)
National University (new, 1201–1300)
University of Southeastern Philippines (901+ → 1201–1300)
West Visayas State University (901+ → 1201–1300)
Technological University of the Philippines (new, 1301–1400)
University of Mindanao (new, 1301–1400)
Batangas State University – The National Engineering University (new, 1401–1500)
Caraga State University (new, 1401–1500)
Mariano Marcos State University (new, 1401–1500)
University of Science and Technology of Southern Philippines (901+ → 1401–1500)
Bulacan State University (new, 1501+)
Ifugao State University (new, 1501+)
University of Southern Mindanao (901+ → 1501+)
Western Mindanao State University (new, 1501+)
Samantala, nanguna naman sa 2026 QS Asia rankings sa buong mundo ay ang University of Hong Kong, sinundan ng Peking University sa China.
Parehong nasa ikatlong pwesto naman ang Nanyang Technological University at National University of Singapore.
Sinuri ng QS ang mga unibersidad batay sa 11 key indicators, kabilang ang academic reputation (30%), employer reputation (20%), faculty-student ratio (10%), international research network (10%), citations per paper (10%), papers per faculty (5%), at staff with PhD (5%).
Ang nalalabing metrics na may tig-2.5% na sumukat sa proportion ng international faculty at mga estudyante, maging ang inbound at outbound exchange programs.
Itinatag noong 2009 ang QS Asia University Rankings na nagbibigay ng annual assessment para sa regional priorities, pag-highlight sa research impact, international collaboration, at academic excellence sa higher education institutions sa Asya. RNT/JGC
