MANILA, Philippines – Sinabi ni Pangulong Ferdinand Marcos Jr. na target ng administrasyon na lumikha ng tatlong milyong trabaho para sa mga Filipino sa pagtatapos ng kanyang termino.
Ayon kay Marcos, “a 10-year roadmap that will serve as a guide towards greater employment generation and recovery” kasabay ng pangunguna ng pamahalaan sa 2024 National Employment Summit sa Maynila nitong Huwebes, Hunyo 27 bilang kick off sa paglikha ng “Trabaho Para sa Bayan” (TPB) Plan.
“The TBP Plan will be one of the driving forces to help create at least 3 million new jobs by the year 2028. Beyond generating employment though, what we want to achieve is creating quality jobs, with special emphasis on ensuring workers’ welfare,” anang Pangulo.
Sinabi ni Marcos na sisiguruhin ng TPB Plan ang interagency cooperation at multi-faceted approach para maabot ang labor goals ng bansa.
“With our unity and cooperation, I’m certain we will not only survive but thrive in the evolving job market, ensuring no Filipino is left behind as we move forward,” aniya.
Noong 2023, nilagdaan ni Marcos ang Trabaho Para sa Bayan Act, na nananawagan sa paglikha ng master plan para tugunan ang unemployment, underemployment, at youth unemployment sa buong bansa. RNT/JGC
