4-anyos na bata patay sa gatas na may lason ni lola

MANILA, Philippines – Patay ang isang 4-anyos na batang babae matapos painumin ng 52-anyos na lola ng gatas na hinaluan ng lason sa dagat.

Ang insidente ay naganap sa Don Carlos, Bukidnon, noong Agosto 13.

Ayon sa pulisya, matapos painumin ng gatas na may lason ang bata ay uminom din ito ng lason.

Isinugod sa ospital ang mag-lola ngunit nasawi ang bata ala-1 ng madaling araw noong Agoto 14.

Pumanaw na rin ang lola ng bata dakong alas-4 ng hapon.

Nagpapatuloy naman ang imbestigasyon ng awtoridad sa insidente na sinasabing maaaring may kaugnayan sa alitan sa pamilya. RNT/JGC